கூகுள் பைபர் & காம் காஸ்ட் கிகாபிட் ப்ரோ 2Gbps வேகம்

கூகுள் நிறுவனம் கடந்த மூன்று ஆண்டுகளாக, ”கூகுள் பைபர்” என்ற திட்டத்தின் அடிப்படையில், விநாடிக்கு 1 கிகா பிட் வேகத்தில் இணைய இணைப்பினை அமெரிக்காவில் தேர்ந்தெடுத்த சில நகரங்களில் வழங்கி வருகிறது. 2012 ஆம் ஆண்டு அமெரிக்காவின் கான்சஸ் நகரத்தில் அறிமுகமாகி, தற்போது 35 நகரங்களுக்கு மேல் இணைப்பினை வழங்கி வருகிறது. இதன் வேகம் விநாடிக்கு 1 கிகா பிட் அளவாகும். இந்த அளவில், இணைய இணைப்பு மற்றும் இணைய இணைப்பின் வழி டி.வி. ஒளிபரப்பு ஆகியவை தரப்படுகின்றன. 

அமெரிக்காவில், இணைய இணைப்பு வழங்கி வரும் காம் காஸ்ட் (Comcast) என்னும் நிறுவனம், தற்போது கூகுள் நிறுவனத்தின் ”கூகுள் பைபர்” போல ”கிகாபிட் ப்ரோ” (Gigabit Pro) என்ற பெயரில் திட்டம் ஒன்றை அறிமுகப்படுத்தத் திட்டமிட்டுள்ளது. முதன் முதலில் ஜியார்ஜியா மாநிலத்தில் உள்ள அட்லாண்டா நகரில் இது அறிமுகமாகிறது. 

இதன் அடிப்படையில், விநாடிக்கு 2 கிகா பிட்ஸ் வேகத்தில், இணைய இணைப்பு வழங்கப்படும். பைபர் இழை மூலம் வீடுகளுக்கு நேரடியாக இணைப்பு வழங்கப்படும். இந்த ஆண்டு முடிவிற்குள், அட்லாண்டா நகரில் 1 கோடியே 80 லட்சம் வீடுகளை இத்திட்டத்தின் கீழ் கொண்டு வர, காம் காஸ்ட் நிறுவனம் திட்டமிட்டுள்ளது. காம்காஸ்ட் இதற்கான கட்டணம் குறித்து எந்த அறிவிப்பும் தரவில்லை.

கூகுள் பைபர் திட்டத்தின் கீழ், மாதம் 70 டாலர் கட்டணமாக வசூலிக்கப்படுகிறது. தற்போது காம் காஸ்ட் நிறுவனம் வழங்கும் இணைய இணைப்பிற்கு 505Mbps வேகத்திற்கு 400 டாலர் கட்டணம் வசூலிக்கப்படுகிறது. 

ஆனால், புதிய கிகாபிட் ப்ரோ திட்டத்தில் அந்த அளவிற்குக் கட்டணம் இருக்காதென்றும், தற்போது வீடுகளில் இணைப்பு வைத்திருப்பவர்கள், தானாகவே கிகாபிட் ப்ரோ திட்டத்திற்க்கு மாற்றப்படுவார்கள் என்றும் தெரிவித்துள்ளது.

எக்ஸெல் - ஆல்ட்+ஷிப்ட் ஷார்ட் கட்

F1 +ALT+SHIFT : புதிய ஒர்க் ஷீட் ஒன்று திறக்கப்படும்.
F2 +ALT+SHIFT :அப்போது செயல்பட்டுக் கொண்டிருக்கும் ஒர்க்புக் சேவ் செய்யப்படும்.
F3 +ALT+SHIFT :நெட்டு மற்றும் படுக்கை வரிசை லேபிள்கள் பயன்படுத்தி பெயர்களை உருவாக்கலாம்.
F6 +ALT+SHIFT :ஒன்றுக்கு மேற்பட்ட ஒர்க்புக் விண்டோக்கள் திறக்கப்பட்டிருப்பின் தற்போதைய ஒர்க்புக்கிற்கு முந்தைய ஒர்க்புக் விண்டோ திறக்கப்படும்.
F9 +ALT+SHIFT: திறந்திருக்கும் அனைத்து ஒர்க்ஷீட்களிலும் அனைத்து ஒர்க் புக்குகளிலும் அனைத்து கால்குலேஷன்களும் செயல்படுத்தப்படும்.
F10 +ALT+SHIFT: ஸ்மார்ட் டேக்கிற்கான மெனு மற்றும் மெசேஜ் திறக்கப்படும். ஒன்றுக்கு மேற்பட்ட ஸ்மார்ட் டேக் திறக்கப்பட்டிருந்தால் அடுத்த டேக் சென்று அதற்கான மெனு மற்றும் மெசேஜ் திறக்கப்படும்.
F11 +ALT+SHIFT: மைக்ரோசாப்ட் ஸ்கிரிப் எடிட்டர் திறக்கப்படும்.
F12 +ALT+SHIFT : பிரிண்ட் டயலாக் பாக்ஸ் திறக்கப்படும்.

விரைவில் 5G

தகவல் தொழில்நுட்பம் வளர்ந்து வரும் இந்த காலகட்டத்தில் இங்கிலாந்து ஆராய்ச்சியாளர்கள் 5ஜி தகவல் தொடர்பின் மூலம் 1  டி.பி.பி.எஸ்., (1 Tbps) இன்டர்நெட் வேகத்தை உருவாக்கி சாதனை படைத்துள்ளனர். இங்கிலாந்தின் சுரே பல்கலைக்கழகத்தின்  5ஜி இன்னோவேசன் மையத்தை (5G Innovation Center) சேர்ந்த ஆராய்ச்சியாளர்கள் 1 டி.பி.பி.எஸ்., அளவுக்கு இன்டர்நெட் வேகத்தை உயர்த்தும் புதிய முயற்சியை செய்து  அதில் வெற்றி கண்டுள்ளனர். இது தற்போதுள்ள வேகத்தை விட ஆயிரம் மடங்கு அதிகம். 

இந்த வேகத்தின் மூலம் ஒரு திரைப்படத்தை 3 நிமிடங்களில் பதிவிறக்கம் செய்து கொள்ள முடியும். இது 4ஜி வேகத்தைவிட சுமார் 65,000 மடங்கு  வேகமானது. இதற்கு முன்பு அதிக வேகமாக சாம்சங் எலக்ட்ரானிக்ஸ் நிறுவனத்தின், 5ஜி இன்டர்நெட் வேகம் 7.5 ஜி.பி.பி.எஸ் என்ற அளவில்  இருந்தது. இந்த தொழில்நுட்பம் 2018ல் மக்கள் பயன்பாட்டுக்கு வரும் என்று நம்பப்படுகிறது.

பங்கு சந்தை தமிழில்

புதிய ஆன்ட்ராய்டு அப்ளிகேஷன் முதல் பதிப்பு வெளியீடு..

• வணிக செய்திகள் ,
• ஆலோசனை,
• தங்கம் விலை நிலவரம்,
• வெளிநாட்டு பண மதிப்பு,
• தற்போதய பங்கு சந்தை நிலவரம்
• கம்பெனி செயல்பாடுகள்

டவுன்லோட் செய்ய

பேஸ்புக் 'Legacy Contact'

சமூக இணைய தளமாகிய பேஸ்புக், அண்மையில், 'Legacy Contact' என்னும் டூல் ஒன்றைப் புதியதாக அறிமுகப்படுத்தியுள்ளது. இதன் மூலம், இத்தளத்தில் அக்கவுண்ட் வைத்துள்ள ஒருவர் இறந்தால், அவருடைய அக்கவுண்ட்டினை, அவரின் பக்கத்தினை நிர்வகிக்க ஒருவரை நியமிக்கும் வசதி தரப்பட்டுள்ளது.

நாமே நமக்கான வாரிசை நியமிக்கலாம். இவர் நம் பக்கத்தில் தகவல்களைப் பதியலாம்; நண்பர்களின் வேண்டுகோள்களை நிர்வகிக்கலாம். நம் முகப்பு பக்கம், அதில் உள்ள போட்டோக்கள் மற்றும் நாம் தேக்கி வைத்துள்ள தகவல்களை, இறந்தவர் சார்பாக நிர்வகிக்கலாம். ஆனால், அவர்கள் நாம் லாக் இன் செய்வது போல நம் பக்கத்தில் செல்ல முடியாது. நம் தனிப்பட்ட தகவல்களைப் படிக்க இயலாது. டைம்லைன் மற்றும் முன்பு நாம் இட்ட லைக் மற்றும் கமெண்ட்களைப் படிக்க முடியாது. 

பல வாடிக்கையாளர்கள், தாங்கள் இறந்த பின்னர், தங்களின் பக்கத்திற்கு என்ன கதி ஏற்படும் எனக் கவலைப் பட்டதால், இந்த ஏற்பாட்டினை பேஸ்புக் மேற்கொண்டுள்ளது என பேஸ்புக் நிறுவன வலை மனைப் பக்கத்தில் தரப்பட்டுள்ளது. 

To add a legacy contact:

1. Click  in the top right of Facebook and select Settings
2. In the left menu, click Security
3. Click Legacy Contact
4. Type in a friend's name and click Add
5. Click Message to let your friend know they're now your legacy contact

வாட்ஸ் சிம்

உலகின் எந்த இடத்திலிருந்தும் வாட்ஸ் அப் மெசேஜ் அனுப்ப உதவிடும், வாட்ஸ் சிம் (WhatSim) என்ற ஒரு சிம் வெளியாகியுள்ளது. இந்த சிம் கார்ட், அதன் பயனாளர்கள், உலகில் உள்ள, 150 நாடுகளில் இயங்கும் 400 மொபைல் சேவை நிறுவனங்களுடன் தொடர்பு கொண்டு, இந்த சேவையைப் பெற்றுத் தருகிறது. இந்த சிம் கார்டின் விலை 10 யூரோ. மாதக் கட்டணம் அல்லது குறிப்பிட்ட காலக்கெடு என இந்த சிம் கார்டிற்குக் கட்டுப்பாடு இல்லை. 

இந்த வாட் சிம் கார்டை வடிவமைத்து, சேவைக் கட்டமைப்பினை வழங்குவது 'ஸீரோ மொபைல்' என்னும் இத்தாலிய தொலை தொடர்பு நிறுவனமாகும். மெசேஜ் அனுப்ப, இது வாட்ஸ் அப் போலவே இயங்குகிறது. ஆனால், படங்கள் அனுப்ப, பாடல்களை இணைத்து அனுப்ப, குரல் ஒலியைப் பதிவு செய்து அனுப்ப, கூடுதலாகக் கட்டணம் செலுத்த வேண்டும்.

மொபைல் சாதனங்கள் வழி மெசேஜ் அனுப்ப வாட்ஸ் அப் மிகச் சிறந்த அப்ளிகேஷனாக உள்ளது. இதனுடைய ஒரே கட்டுப்பாடு, டேட்டா தொடர்பு தான். குறிப்பாக நீங்கள் பயணத்தில் இருக்கையில், ரோமிங் கட்டணம் அதிகமாக இருக்கும். அதனால், வாட்ஸ் அப் வழி செய்தி அனுப்புவது செலவு அதிகம் கொள்ளும் இனமாக அமைந்துவிடும். மேலும், அனைத்து இடங்களிலும் வை பி வசதி கிடைக்கும் என நாம் உறுதி செய்திட முடியாது. மேலும், வை பி இலவசமாகவும் கிடைக்காது. 

இந்த பிரச்னைகளில் இருந்து விடுபடும் வழி குறித்து சிந்திக்கையில், இந்த அப்ளிகேஷன் மற்றும் சிம் கார்ட் யோசனை வந்ததாக, ஸீரோ மொபைல்ஸ் நிறுவனர் தெரிவித்துள்ளார்.

குடியரசு தின நல்வாழ்த்துகள்

கணிப்பொறிக் கலைச்சொல் அகராதி-15

blow up - மிகை உப்பல்
board - பலகை
bold facing - தடிப்பாக்கம்
bold printing - தடித்த அச்சடிப்பு
book keeping - கணக்கு வைப்பு
bolean algebra - பூலியன் யற்கணிதம்
boolean expression - பூலியன் கோவை
boolean operator - பூலியன் வினைக்குறி
boot - தொடங்குதல்
boot strapping- தொடக்கம்
boot virus- தொடக்க நச்சு நிரல்
bore - துளை
borrow - கடன் பெறு
BOT - Beginning of Tape என்பதன் குறுக்கம்: நாடாவின் தொடக்கம்
bottleneck - டர்
bottom-up technique - மேல் எழு தொழில்நுட்பம்
bound - கட்டுண்ட
brainwave interface - மூளைஅலைஇடைமுகம்
branch - பிரிதல்,கிளை

இனிய பொங்கல் நல்வாழ்த்துக்கள்

தை பிறந்தால் வழி பிறக்கும்..

அவ்வழி நல்வழியாக அமைய 

இனிய பொங்கல் நல்வாழ்த்துக்கள்..

பொங்கட்டும் மகிழ்ச்சி..

கூகிள் பிளைட் சர்ச்சை

புதிய வசதியான பிளைட்(flight) சர்ச்சை கூகிள் அறிமுகம் செய்திருக்கிறது. இந்த சேவை மூலம் கூகில் பயனாளிகள் தங்கள் இருப்பிடத்தில் இருந்து மற்ற எந்த நகரங்களுக்கும் பயணிப்பதற்கான விமான சேவையை அடையாளம் காட்டுகிறது. பிளைட் சர்ச் பக்கத்திலேயே பயனாளிகளின் இருப்பிடம் ( உதாரணம் சென்னை) என சுட்டிக்காட்டப்படுகிறது. அருகே உள்ள இடத்தில் பயண இடத்தை டைப் செய்தால் அந்த நகருக்கான விமான சேவைகளை பட்டியலிடுகிறது. பயண நாளையும் குறிப்பிட்டு தேடலாம். சுற்றி வளைத்து போகாமல் நேராக செல்லும் விமானங்களையே முதலில் பட்டியலிடுகிறது. தேவை எனில் விரிவாக்கி கொள்ளலாம். அதில் கட்டணம் அதிகம் உள்ள சொகுசு சேவைகளும் இடம்பெற்றிருக்கும்.

https://www.google.co.in/flights/